రామన్నపేట,

ప్రభుత్వ డిగ్రీ కళాశాల, రామన్నపేటలో ఖాళీగా ఉన్న అతిథి అధ్యాపకుల (గెస్ట్ ఫ్యాకల్టీ) పోస్టుల భర్తీకి అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు కళాశాల ప్రధానాచార్యులు ఆచార్య రాహత్ ఖానం తెలిపారు.

డెయిరీ సైన్స్, కంప్యూటర్ సైన్స్/కంప్యూటర్ అప్లికేషన్స్, పొలిటికల్ సైన్స్, కామర్స్ సబ్జెక్టుల పోస్టులకు సంబంధిత విభాగంలో పీజీతో పాటు నెట్, సెట్, ఎం.ఫిల్ లేదా పీహెచ్‌డీ అర్హతల్లో కనీసం ఏదైనా ఒకటి కలిగిన అభ్యర్థులు ఈ నెల 23వ తేదీ గురువారం సాయంత్రం 4 గంటలలోపు కళాశాల కార్యాలయంలో దరఖాస్తులు సమర్పించాలని సూచించారు.

దరఖాస్తు చేసిన అభ్యర్థులకు ఈ నెల 24వ తేదీ శుక్రవారం ఉదయం 11 గంటలకు కళాశాలలో ఇంటర్వ్యూలు నిర్వహించనున్నట్లు తెలిపారు. అభ్యర్థులు తమ ఒరిజినల్ విద్యార్హత సర్టిఫికెట్లతో నిర్ణీత సమయానికి హాజరు కావాలని ప్రధానాచార్యులు కోరారు.