చిట్యాల మున్సిపల్ కార్యాలయంలో ఎన్నికల ఏర్పాట్లపై పోటీచేసే అభ్యర్థులు, ఎన్నికల ఏజెంట్లతో అవగాహన సమావేశం నిర్వహించారు. ఈ సందర్భంగా అభ్యర్థులకు మాస్టర్ ట్రైనర్ ద్వారా ఐడెంటిటీ కార్డులు అందజేశారు. పోలింగ్, కౌంటింగ్ ఏజెంట్ల ఐడీ కార్డులను ఆయా వార్డులకు సంబంధించిన రిటర్నింగ్ అధికారుల వద్ద పొందాలని సూచించారు.వాహనాల అనుమతి పాసులను మున్సిపల్ కమిషనర్ ద్వారా, మైక్ అనుమతులను డీఎస్పీ ద్వారా తీసుకోవాలని అధికారులు తెలిపారు. ఎన్నికలు ప్రశాంత వాతావరణంలో సజావుగా నిర్వహించేందుకు అందరి సహకారం అవసరమని పేర్కొన్నారు.నల్లగొండలోని తెలంగాణ సోషల్ వెల్ఫేర్ రెసిడెన్షియల్ స్కూల్ అండ్ జూనియర్ కాలేజ్ (గర్ల్స్)లో రూమ్ నంబర్–1001లో కౌంటింగ్ సెంటర్ ఏర్పాటు చేసినట్లు వెల్లడించారు. ఈ సమావేశంలో మున్సిపల్ కమిషనర్ దండు శ్రీను, మాస్టర్ ట్రైనర్ సుధాకర్ రెడ్డి, ఆర్వోలు, ఏఆర్వోలు తదితరులు పాల్గొన్నారు.