తుంగతుర్తి: తుంగతుర్తి మండల కేంద్రంలోని ధనలక్ష్మి ఫంక్షన్ హాల్లో బుధవారం బీఆర్‌ఎస్‌వీ మండల అధ్యక్షుడు రచ్చ నవీన్ కుమార్తె ఆయుష్వి తొలి పుట్టినరోజు వేడుకలు ఘనంగా నిర్వహించారు. కుటుంబ సభ్యులు, స్నేహితులు, పార్టీ నాయకులు పెద్ద ఎత్తున హాజరై శుభాకాంక్షలు తెలిపారు.

వేడుకలకు తుంగతుర్తి మాజీ శాసనసభ్యుడు గాదరి కిషోర్ కుమార్, రాష్ట్ర నాయకుడు గుజ్జ యుగేందర్ రావు హాజరై చిన్నారిని ఆశీర్వదించారు. ఆయుష్వి నిండు నూరేళ్లు ఆయురారోగ్యాలతో సంతోషంగా జీవించాలని ఆకాంక్షించారు.

ఈ కార్యక్రమంలో మండల పార్టీ అధ్యక్షుడు తాటికొండ సీతయ్య, మాజీ ఉపాధ్యక్షుడు శ్రీశైలం, జిల్లా నాయకుడు గుండగాని రాములు గౌడ్, ఉప్పలయ్య, వెంకన్న, శ్రీను, వెంకటేష్ తదితరులు పాల్గొన్నారు.