చాట్రాయి సిఎస్ఏఎస్ఎస్ఎస్ సంస్థ ఆధ్వర్యంలో అంతర్జాతీయ మహిళా దినోత్సవం వేడుకలు ఘనంగా నిర్వహించారు. ఆర్సియం సిస్టర్స్ ఆధ్వర్యంలో కోఆర్డినేటర్ బుర్రి పండు ఈ కార్యక్రమాన్ని నిర్వహించారు.

ఈ సందర్భంగా మాట్లాడుతూ మహిళలు నేటి కాలంలో విద్య, ఉపాధి, రాజకీయాలు సహా అన్ని రంగాలలో ముందుకు సాగుతున్నప్పటికీ మహిళా రక్షణ విషయంలో ఇంకా లోటుపాట్లు ఉన్నాయని తెలిపారు. మహిళల భద్రత కోసం ప్రభుత్వాలు ఎన్నో చట్టాలు తీసుకువచ్చినా సమాజంలో ఆలోచన విధానం మారకపోతే మహిళలు ఎదుర్కొనే అసమానతలు పూర్తిగా తొలగవని పేర్కొన్నారు.

మహిళలకు గౌరవం, భద్రత కల్పించే బాధ్యత ప్రతి ఒక్కరిపై ఉందని, సమాజంలో అవగాహన పెంపొందితేనే మహిళలు నిజమైన స్వేచ్ఛతో ముందుకు సాగగలరని అన్నారు. కార్యక్రమంలో మహిళలు, విద్యార్థినులు మరియు స్థానికులు పాల్గొన్నారు.