నల్లగొండ జిల్లా చిట్యాల మున్సిపాలిటీ పరిధిలోని 12వ వార్డు, 5వ వార్డుల్లో బీఆర్‌ఎస్ పార్టీ అభ్యర్థికి మద్దతుగా నకిరేకల్ మాజీ ఎమ్మెల్యే చిరుమర్తి లింగయ్య గారు విస్తృతంగా ఇంటింటి ఎన్నికల ప్రచారం నిర్వహించారు.ఈ సందర్భంగా ఆయన స్థానిక ప్రజలను కలుసుకుని బీఆర్‌ఎస్ ప్రభుత్వం అమలు చేసిన అభివృద్ధి కార్యక్రమాలు, సంక్షేమ పథకాలను వివరించారు. రాష్ట్రంలో గత పదేళ్లుగా సాగిన అభివృద్ధి, మున్సిపాలిటీలకు అందిన నిధులు, మౌలిక వసతుల కల్పనలో బీఆర్‌ఎస్ పాత్రను ఆయన ప్రజలకు గుర్తు చేశారు.

రాబోయే మున్సిపల్ ఎన్నికల్లో బీఆర్‌ఎస్ అభ్యర్థిని భారీ మెజారిటీతో గెలిపించాలని ప్రజలను కోరారు. పార్టీ అధికారంలో ఉంటేనే అభివృద్ధి కొనసాగుతుందని, ప్రజల సమస్యలుపరిష్కారమవుతాయని ఆయన అన్నారు.ఈ కార్యక్రమంలో బీఆర్‌ఎస్ నాయకులు, కార్యకర్తలు, వార్డు స్థాయి నాయకులు పాల్గొని ఇంటింటి ప్రచారంలో ఉత్సాహంగా పాల్గొన్నారు. ప్రజల నుంచి సానుకూల స్పందన లభించిందని పార్టీ నేతలు తెలిపారు.