క్రీడలపై అవగాహన పెంచడమే లక్ష్యం

స్థానికం:భువనగిరి రిపోర్టర్ ఎన్.కుమార్

తెలంగాణ రాష్ట్ర ప్రభుత్వం,జిల్లా యువజన క్రీడల శాఖ – యాదాద్రి భువనగిరి జిల్లా ఆధ్వర్యంలో సీఎం కప్ టార్చ్ ర్యాలీ శుక్రవారం భువనగిరి పట్టణ కేంద్రంలో ఘనంగా నిర్వహించారు.ఈ ర్యాలీ భువనగిరి పట్టణంలోని స్థానిక ప్రభుత్వ జూనియర్ కళాశాల (బాలుర) నుండి ప్రారంభమై,చారిత్రక భువనగిరి ఫోర్ట్ వరకు కొనసాగింది. క్రీడాభిమానులు,యువత,విద్యార్థులు ఉత్సాహంగా పాల్గొని ర్యాలీని విజయవంతం చేశారు.ఈ సందర్భంగా నిర్వాహకులు మాట్లాడుతూ,త్వరలో జరగబోయే సీఎం కప్ క్రీడాపోటీలపై ప్రజల్లో అవగాహన కల్పించడం,పట్టణాలతో పాటు గ్రామీణ ప్రాంతాల నుంచి కూడా ఎక్కువ సంఖ్యలో క్రీడాకారులు పాల్గొనేలా ప్రోత్సహించడమే ఈ టార్చ్ ర్యాలీ యొక్క ముఖ్య ఉద్దేశమని తెలిపారు.క్రీడలు శారీరక దృఢత్వంతో పాటు మానసిక వికాసానికి దోహదపడతాయని,యువత క్రీడల వైపు మరింత ఆకర్షితులయ్యేలా క్రీడా జ్యోతి స్ఫూర్తిని ప్రతి ఒక్కరిలో నింపాలని క్రీడాభిమానులను కోరారు.ఈ కార్యక్రమం ద్వారా సీఎం కప్‌కు సంబంధించి ప్రజల్లో మంచి స్పందన ఏర్పడిందని,రాబోయే రోజుల్లో క్రీడల పట్ల యువత మరింత చురుకుగా పాల్గొంటారని నిర్వాహకులు ఆశాభావం వ్యక్తం చేశారు.