నారాయణఖేడ్ స్థానికం ప్రతినిధి కృష్ణ:అంతర్గావ్ పీఠాధిపతి శ్రీశ్రీశ్రీ కరణ్ గజేంద్ర భారతి మహారాజ్ దివ్య సాన్నిధ్యంలో ఈ రోజు మాఘ మాసంలో ప్రసిద్ధి పొందిన పండరిపుర్ పాదయాత్ర ఘనంగా ప్రారంభమైంది.నారాయణఖేడ్ పట్టణంలో భజనలు,కీర్తనలు,జైజైకారాలతో పాటు భక్తుల ఉత్సాహభరిత సందోహం మధ్య పాదయాత్రకు శుభారంభం పలికింది.ఈ సందర్భంగా ఏర్పాటు చేసిన ఆధ్యాత్మిక సభలో మాజీ శాసనసభ్యులు విజయ్ పాల్ రెడ్డి ముఖ్యంగా పాల్గొన్నారు.సభలో ప్రసంగిస్తూ, భక్తి కృపతో పండరీనాథ విఠలేశ్వరుని దివ్య సహకారం వ్యక్తిగత జీవితం, కుటుంబం, మరియు సామాజిక సంబంధాల్లో సుఖశాంతి, సహనం, సౌహార్దం, ధర్మబద్ధతను పెంపొందిస్తుందని వివరించారు. భగవాన్ పండరీనాథుని నామస్మరణ ద్వారా మానవ జీవితానికి స్పష్టమైన దిశానిర్దేశం లభిస్తుందని ఆయన తెలిపారు. అలాగే, ఈ పవిత్ర ఆధ్యాత్మిక కార్యక్రమంలో స్వయంగా పాల్గొనడం తనకు అపూర్వ అదృష్టం లభించినట్లు ఆయన వ్యాఖ్యానించారు.ఈ రోజు ప్రారంభమైన పాదయాత్రలో అనేక మంది రాజకీయ రంగ ప్రముఖులు, ప్రజాప్రతినిధులు, భక్తులు పెద్ద సంఖ్యలో పాల్గొని కార్యక్రమాన్ని విజయవంతంగా ప్రారంభించారు. భక్తులందరూ పాదయాత్రలో భాగంగా స్వామివారి నామస్మరణ, భజన కీర్తనలతో ఆధ్యాత్మిక ఆనందాన్ని పొందుతూ ముందుకు సాగుతున్నారు.పాదయాత్ర ప్రారంభం సందర్భంగా ఏర్పాటు చేసిన వేదిక, భక్తుల ఏర్పాట్లు మరియు భద్రతా ఏర్పాట్లను చూసి, స్థానిక ప్రజలు మరియు నిర్వాహకులు సంతృప్తి వ్యక్తం చేశారు.