కడప జిల్లా బద్వేలు పట్టణంలో హోటళ్లు, రెస్టారెంట్లపై ఎన్ఫోర్స్మెంట్ అధికారులు మరియు ఫుడ్ ఇన్‌స్పెక్టర్ సంయుక్తంగా తనిఖీలు నిర్వహించారు. వ్యాపార సంస్థల్లో గృహ అవసరాలకు మాత్రమే ఉపయోగించాల్సిన డొమెస్టిక్ గ్యాస్ సిలిండర్లను వాడుతున్నట్లు గుర్తించిన అధికారులు వాటిని స్వాధీనం చేసుకున్నారు.

తనిఖీల్లో మొత్తం 21 డొమెస్టిక్ గ్యాస్ సిలిండర్లు పట్టుబడగా, వాటిని అధికారులు సీజ్ చేశారు. వ్యాపార అవసరాల కోసం తప్పనిసరిగా కమర్షియల్ గ్యాస్ సిలిండర్లనే వినియోగించాలని హోటల్ నిర్వాహకులకు సూచించారు.

డొమెస్టిక్ సిలిండర్లను వాణిజ్య అవసరాలకు వినియోగిస్తే చట్టపరమైన చర్యలు తీసుకుంటామని అధికారులు హెచ్చరించారు. భవిష్యత్తులో కూడా ఇలాంటి తనిఖీలు కొనసాగిస్తామని తెలిపారు.