నల్లగొండ,: బీఎస్పీ రాష్ట్ర అధ్యక్షుడు కు ప్రస్తుతం ఉన్న భద్రతా ఏర్పాట్లను కొనసాగించాలని ఆయన అభిమాని నకిరేకంటి నరసింహ ప్రభుత్వాన్ని కోరారు.

ఈ సందర్భంగా ఆయన మాట్లాడుతూ ఉమ్మడి ఆంధ్రప్రదేశ్, తెలంగాణ రాష్ట్రాల్లో పోలీసు శాఖలో సుదీర్ఘకాలం సేవలందించిన ఆర్‌ఎస్‌ ప్రవీణ్‌కుమార్‌కు గత ప్రభుత్వాలు భద్రతా కారణాల దృష్ట్యా బుల్లెట్‌ ప్రూఫ్ వాహనం, భద్రతా సిబ్బందిని కేటాయించాయని తెలిపారు. ప్రస్తుతం ఆ భద్రతను ఉపసంహరించుకునే ప్రయత్నాలు జరుగుతున్నాయని ఆరోపించారు.

ఆర్‌ఎస్‌ ప్రవీణ్‌కుమార్ ప్రజా సమస్యలపై ప్రభుత్వాన్ని ప్రశ్నిస్తున్నందునే భద్రత తగ్గించే చర్యలు చేపడుతున్నారనే అనుమానాలు వ్యక్తమవుతున్నాయని అన్నారు. ఆయన భద్రత విషయంలో ప్రభుత్వం పునరాలోచించి, గతంలో ఉన్న ఏర్పాట్లను కొనసాగించాలని డిమాండ్ చేశారు.

ఆయన ప్రాణాలకు ఏవైనా ముప్పు వాటిల్లితే సంబంధిత ప్రభుత్వాలే బాధ్యత వహించాలని పేర్కొన్నారు. భద్రతా ఏర్పాట్లను కొనసాగించకపోతే రాష్ట్రవ్యాప్తంగా ఆందోళన కార్యక్రమాలు చేపడతామని హెచ్చరించారు.