అబ్దుల్లాపూర్‌మెట్,: ప్రభుత్వ అనుమతులు లేకుండా వీఆర్ జూనియర్ కళాశాలను నిర్వహిస్తూ విద్యార్థుల భవిష్యత్తుతో చెలగాటం ఆడుతున్నారని ఎస్ఎఫ్ఎ రంగారెడ్డి జిల్లా ఉపాధ్యక్షుడు గుండె శివకుమార్ ఆరోపించారు. కళాశాలను వెంటనే సీజ్ చేసి యాజమాన్యంపై చర్యలు తీసుకోవాలని డిమాండ్ చేశారు.

విద్యార్థులు, తల్లిదండ్రులను తప్పుదారి పట్టిస్తూ భారీ ఫీజులు వసూలు చేస్తున్నారని, పుస్తకాలు, స్టేషనరీ సామగ్రిని కళాశాల యాజమాన్యమే విక్రయిస్తూ బయట కొనుగోలు చేయకుండా ఒత్తిడి తెస్తోందని విమర్శించారు. అనుమతులు లేకుండా విద్యాసంస్థ నిర్వహించడం వల్ల విద్యార్థుల భవిష్యత్తు ప్రమాదంలో పడే అవకాశం ఉందన్నారు.

సంబంధిత అధికారులు స్పందించి యాజమాన్యంపై క్రిమినల్ కేసులు నమోదు చేసి, కళాశాల కార్యకలాపాలపై సమగ్ర విచారణ చేపట్టాలని కోరారు. కార్యక్రమంలో ఎస్ఎఫ్ఎ మండల కార్యదర్శి వంశీ, నాయకులు నరేందర్, హరీష్, రోహిత్ తదితరులు పాల్గొన్నారు.