ప్రభుత్వ నిబంధనలకు విరుద్ధంగా నడుస్తున్న ప్రైవేట్ పాఠశాలలపై కఠిన చర్యలు తీసుకోవాలని ఏఐఎస్ఎఫ్ జిల్లా నాయకుడు సిహెచ్ అశోక్ డిమాండ్ చేశారు. ఈ మేరకు జిల్లా విద్యాశాఖ కార్యాలయంలో సూపరింటెండెంట్‌కు వినతిపత్రం అందజేశారు. సంగారెడ్డి జిల్లాలో అనుమతులు లేకుండా నడుస్తున్న పాఠశాలలు, పాఠశాలలలోనే పుస్తకాలు, యూనిఫాంలు విక్రయిస్తూ తల్లిదండ్రులపై అదనపు భారం మోపుతున్న విద్యాసంస్థల గుర్తింపును రద్దు చేయాలని కోరారు. అలాగే అధిక ఫీజులు వసూలు చేస్తూ తల్లిదండ్రులను ఇబ్బందులకు గురిచేస్తున్న పాఠశాలలపై చర్యలు తీసుకోవాలని విజ్ఞప్తి చేశారు. జూన్ 15 నుంచి పాఠశాలలు పునఃప్రారంభం కానున్న నేపథ్యంలో ప్రభుత్వ, ప్రైవేట్ పాఠశాలలు నిబంధనలకు అనుగుణంగా సక్రమంగా నిర్వహించబడేలా అధికారులు ప్రత్యేక పర్యవేక్షణ చేపట్టాలని కోరారు. ఈ కార్యక్రమంలో ఏఐఎస్ఎఫ్ నాయకులు సతీష్, రాజ్‌కుమార్, అనూక్, ప్రవీణ్‌కుమార్ తదితరులు పాల్గొన్నారు.