కోదాడలో ఘనంగా ఓర్సు వేలంగి రాజు పుట్టినరోజు.. అనాధలకు అన్నదానం....

బీజేపీ రాష్ట్ర కార్యవర్గ సభ్యులు ఓర్సు వేలంగి రాజు జన్మదిన వేడుకలను ఆదివారం కోదాడ పట్టణంలో ఘనంగా నిర్వహించారు. అశోక్ నగర్‌లోని శనగల రాధాకృష్ణ మానసిక వికలాంగుల మరియు అనాధ ఆశ్రమంలో బిజెపి నాయకులు అనాధ పిల్లల మధ్య కేక్ కట్ చేశారు. అనంతరం ఆశ్రమ పిల్లలకు అన్నదానం నిర్వహించారు. ఈ సందర్భంగా వారు మాట్లాడుతూ తమ అభిమాన నాయకుడు ఓర్సు వేలంగి రాజు భవిష్యత్తులో మరిన్ని ఉన్నత పదవులు అధిరోహించాలని ఆకాంక్షించారు. ప్రజా సేవలో ఆయన నిరంతరం ముందుండాలని కోరారు. ఈ కార్యక్రమంలో బిజెపి మండల పార్టీ అధ్యక్షులు గాదరి పుల్లారావు, చిలుకూరు మండల అధ్యక్షులు మహేష్, కోదాడ మండల కార్యదర్శి మెండం వెంకయ్య, బీసీ సంఘం జిల్లా అధ్యక్షురాలు బచ్చు రాజ్యం, ఎర్ర మాల గోపయ్య, మేకల సౌజన్య, అరుణ తదితరులు పాల్గొన్నారు.....