హైదరాబాద్ స్థానికం ప్రతినిధి

హైదరాబాద్, జనవరి 3: డా. బి.ఆర్. అంబేద్కర్ ఓపెన్ యూనివర్సిటీలో పూర్వ విద్యార్థి డా. డి. వెంకట నాయక్‌ను వైస్ ఛాన్సలర్ ప్రొ. ఘంటా చక్రపాణి ఘనంగా సన్మానించారు. డా. వెంకట నాయక్ పీహెచ్డీ పూర్తి చేసిన తర్వాత “నడిచే బండిపై వ్యర్థాలను వేరు చేయడానికి చక్రాలు కలిగిన చెత్త సేకరణ యంత్రం” అనే ప్రత్యేక నమూనాకు అంతర్జాతీయ గుర్తింపు పొందిన ఇంటెలెక్చువల్ ప్రాపర్టీ ఇండియా ద్వారా పేటెంట్ పొందారు.

ఈ యంత్రం ద్వారా వ్యర్థాలను సేకరించడం మాత్రమే కాకుండా, వాటి నుండి బయో గ్యాస్ ఉత్పత్తి మరియు నిర్మాణ రంగంలో ఉపయోగించే మెటీరియల్ (ఇటుకలు) తయారు చేయవచ్చని డా. వెంకట నాయక్ తెలిపారు. వైస్ ఛాన్సలర్ ప్రొ. ఘంటా చక్రపాణి, అకడమిక్ డైరెక్టర్ ప్రొ. పుష్ప చక్రపాణి, అడ్జంట్ ప్రొఫెసర్ ప్రొ. ఎస్వీ. రాజశేఖర్ రెడ్డి పాల్గొని ఆయన పరిశోధనను ప్రశంసించారు.

వీటితో, డా. వెంకట నాయక్ పరిశోధనలతోనే కాక, సాంకేతిక ఆవిష్కరణల ద్వారా సమాజానికి అందించే సేవలోనూ ప్రత్యేక గుర్తింపు పొందారు.