భువనగిరి,

మహిళా శిశు సంక్షేమ శాఖ ఆధ్వర్యంలో భువనగిరి ఐసిడిఎస్ ప్రాజెక్టు పరిధిలో మున్సిపల్ కార్యాలయంలో పోషణ్ పక్వాడా కార్యక్రమాలను నిర్వహించారు.

ఈ సందర్భంగా అంగన్‌వాడీ కేంద్రాల ఆధ్వర్యంలో అక్షరాభ్యాసం, గ్రాడ్యుయేషన్ డే, సీమంతం కార్యక్రమాలు నిర్వహించారు. కార్యక్రమంలో ఏర్పాటు చేసిన స్టాళ్లను జాయింట్ డైరెక్టర్ అక్కేశ్వర్ రావు సందర్శించి, చిన్నారులు, గర్భిణీ స్త్రీలకు అందుతున్న సేవలపై లబ్ధిదారులను అడిగి తెలుసుకున్నారు.

అనంతరం సీడీపీఓలు, సూపర్వైజర్లతో సమీక్ష సమావేశం నిర్వహించి, సేవల అమలుపై సూచనలు ఇచ్చారు.

ఈ కార్యక్రమంలో జిల్లా సంక్షేమ శాఖ అధికారి నరసింహరావు, మున్సిపల్ కమిషనర్ తంగెళ్లపల్లి శ్రీవాణి, వైస్ చైర్మన్ పోతంశెట్టి మంజుల, సీడీపీఓలు శైలజ, స్వరాజ్యం, సమీరా, ఐసిడిఎస్ సూపర్వైజర్లు, అంగన్‌వాడీ టీచర్లు తదితరులు పాల్గొన్నారు.