హైదరాబాద్, ప్రపంచ పర్యావరణ దినోత్సవాన్ని పురస్కరించుకుని డా. బి.ఆర్. అంబేద్కర్ సార్వత్రిక విశ్వవిద్యాలయంలో శుక్రవారం ప్రత్యేక కార్యక్రమాలు నిర్వహించారు. ఈ సందర్భంగా విశ్వవిద్యాలయ వీసీ ఘంటా చక్రపాణి విశ్వవిద్యాలయ ప్రాంగణంలోని ప్రొ. జి. రాంరెడ్డి స్మారక ప్రాంగణంలో జమ్మి మొక్కలను నాటారు.

ఈ సందర్భంగా ఆయన మాట్లాడుతూ పర్యావరణ పరిరక్షణ ప్రతి ఒక్కరి బాధ్యత అని పేర్కొన్నారు. విద్యాసంస్థల్లో పర్యావరణ పరిరక్షణ ప్రాధాన్యతను విద్యార్థులకు తప్పనిసరిగా బోధించాలని సూచించారు.

అనంతరం కామర్స్ అండ్ బిజినెస్ మేనేజ్‌మెంట్ విభాగం ఆధ్వర్యంలో నిర్వహించిన కార్యక్రమంలో కే . వియ్యన్న రావు ఆన్‌లైన్ ద్వారా పాల్గొని ‘ప్రకృతి–మన జీవితం’ అంశంపై ప్రసంగించారు.

కార్యక్రమంలో రిజిస్ట్రార్ డా. ఎల్. విజయకృష్ణారెడ్డి, ప్రొఫెసర్లు, డైరెక్టర్లు, డీన్లు, వివిధ విభాగాల అధిపతులు, బోధన, బోధనేతర సిబ్బంది, ఉద్యోగ సంఘాల ప్రతినిధులు పాల్గొన్నారు.