నారాయణఖేడ్ సబ్ కలెక్టర్ కార్యాలయంలో సబ్ కలెక్టర్ ఎన్. ఉమా హారతి మేడమ్ ఆధ్వర్యంలో గర్భాశయ ముఖద్వార క్యాన్సర్ నివారణకు సంబంధించిన టీకాపై అవగాహన సమావేశం నిర్వహించారు. ఈ సందర్భంగా 14 సంవత్సరాలు నిండిన బాలికలకు ప్రభుత్వం అందిస్తున్న టీకాను తప్పనిసరిగా వేయించాలని సూచించారు. ఈ టీకా ద్వారా భవిష్యత్తులో గర్భాశయ ముఖద్వార క్యాన్సర్ బారిన పడే అవకాశాలు తగ్గుతాయని, బాలికల ఆరోగ్య రక్షణకు ఇది ఎంతో ఉపయోగకరమని వివరించారు. పాఠశాలలు, వైద్య ఆరోగ్య శాఖ, మహిళా సంఘాలు పరస్పర సమన్వయంతో పనిచేసి తల్లిదండ్రులు మరియు విద్యార్థినులకు టీకా ప్రాముఖ్యతను తెలియజేయాలని సూచించారు. ఈ సమావేశంలో జిల్లా వైద్య ఆరోగ్య శాఖ అధికారులు, ప్రభుత్వ ఆసుపత్రి అధికారులు, వివిధ ప్రాథమిక ఆరోగ్య కేంద్రాల వైద్యులు, మండల విద్యాశాఖ అధికారులు, బాలికల పాఠశాలల ప్రధానోపాధ్యాయులు, ప్రత్యేక అధికారులు, జిల్లా మరియు మండల స్థాయి సిబ్బంది, మహిళా సంఘాల ప్రతినిధులు పాల్గొన్నారు. అర్హులైన ప్రతి బాలికకు టీకా అందేలా చర్యలు తీసుకొని ఈ కార్యక్రమాన్ని విజయవంతం చేయాలని సమావేశంలో నిర్ణయించారు.