72వ సీనియర్స్ జాతీయ స్థాయి కబడ్డీ పోటీలకు సూర్యాపేట క్రీడాకారుల ఎంపిక

గుజరాత్ రాష్ట్రంలో ఫిబ్రవరి 23 నుండి 27 వరకు నిర్వహించనున్న 72వ సీనియర్స్ జాతీయ స్థాయి కబడ్డీ పోటీలకు సూర్యాపేట జిల్లా క్రీడాకారులు నవీన్, సాయిచరణ్ తెలంగాణ రాష్ట్ర జట్టు తరఫున ఎంపికయ్యారు.ఈ సందర్భంగా సూర్యాపేట జిల్లా కబడ్డీ అసోసియేషన్ అధ్యక్షుడు అల్లం ప్రభాకర్ రెడ్డి, కార్యదర్శి నామా నరసింహరావు ఎంపికైన క్రీడాకారులను అభినందిస్తూ శుభాకాంక్షలు తెలిపారు. జిల్లా నుండి రాష్ట్ర జట్టులో స్థానం సంపాదించడం గర్వకారణమని పేర్కొన్నారు.

అదేవిధంగా క్రీడాకారుల ఎంపికకు సహకరించిన రాష్ట్ర కబడ్డీ పెద్దలు కాసాని వీరేష్, మద్ది మహేందర్ రెడ్డి లకు జిల్లా అసోసియేషన్ పక్షాన కృతజ్ఞతలు తెలిపారు.

జాతీయ స్థాయిలో క్రీడాకారులు ప్రతిభ చాటుకుని జిల్లా, రాష్ట్రానికి మంచి పేరు తీసుకురావాలని ఆశాభావం వ్యక్తం చేశారు.