వార్డు ప్రజల ఆశీస్సులతో చెన్న స్వాతి మహేష్ నామినేషన్ ప్రక్రియను పూర్తి.

భువనగిరి మున్సిపాలిటీ 17వ వార్డు నుంచి బీఆర్‌ఎస్ పార్టీ అభ్యర్థినిగా చెన్న స్వాతి మహేష్ శుక్రవారం తన నామినేషన్‌ను అధికారికంగా దాఖలు చేశారు. ఈ సందర్భంగా ఆమె మాట్లాడుతూ, వార్డు ప్రజల ఆశీస్సులతో నామినేషన్ ప్రక్రియను పూర్తి చేసినట్లు తెలిపారు.తాను గడపగడపకు పరిచయం ఉన్న అభ్యర్థినని, వార్డులో ఎవరికైనా ఆపద ఎదురైతే ముందువరుసలో నిలబడి సహాయం చేస్తానని భరోసా ఇచ్చారు. గతంలోనూ ప్రభుత్వ సంక్షేమ పథకాలను అర్హులైన ప్రతి ఒక్కరికీ అందించేందుకు కృషి చేసినట్లు తెలిపారు.వార్డు అభివృద్ధిలో తనను భాగస్వామిని చేయాలని కోరిన చెన్న స్వాతి మహేష్, అభివృద్ధి అంటే ఏమిటో చేసి చూపిస్తానని ధీమా వ్యక్తం చేశారు. వార్డులోని పెద్దలు,అక్కచెల్లెల్లు, చదువుకున్న యువత ఆలోచించి తనకు ఒక్కసారి అవకాశం ఇవ్వాలని విజ్ఞప్తి చేశారు.భారీ మెజారిటీతో గెలిపించి కౌన్సిలర్‌గా అవకాశం ఇవ్వాలని కోరారు.