బాధ్యులైన ఎస్‌ఐ ఏడుకొండలు, సీఐ రాజశేఖర్‌లను సస్పెండ్ చేయాలి – మామిడి అంజయ్య డిమాండ్

సూర్యాపేట మున్సిపల్ ఎన్నికల నేపథ్యంలో 13వ వార్డులో జరిగిన ఘటనపై తెలంగాణ రాజ్యాధికార పార్టీ జిల్లా అధ్యక్షుడు మామిడి అంజయ్య తీవ్ర ఆగ్రహం వ్యక్తం చేశారు. పోలింగ్ సమయంలో కారు ఎక్కేందుకు వెళ్తున్న సందర్భంలో తెలంగాణ రాజ్యాధికార పార్టీ రాష్ట్ర ప్రధాన కార్యదర్శి వట్టె జానయ్య యాదవ్ కుమారుడిపై దాడి జరగడం దురదృష్టకరమని పేర్కొన్నారు.ఈ ఘటన పోలీసు శాఖకు కళంకమని వ్యాఖ్యానించిన ఆయన, పోలీసులు చట్టానికి లోబడి నిష్పక్షపాతంగా విధులు నిర్వర్తించాలని సూచించారు. ఏ రాజకీయ పార్టీకి అనుకూలంగా వ్యవహరించరాదని హితవు పలికారు.కొన్ని అగ్రవర్ణ పార్టీల నాయకులు వట్టె జానయ్య యాదవ్‌ను బెదిరించాలనే ఉద్దేశంతో ఇలాంటి దాడులకు పాల్పడుతున్నారని ఆరోపించారు. మున్సిపల్ ఎన్నికల్లో 30 వార్డుల్లో తెలంగాణ రాజ్యాధికార పార్టీ పోటీ చేస్తోందని, ప్రజాభిమానంతో 5 నుండి 6 వార్డుల్లో ఘన విజయం సాధిస్తామని విశ్వాసం వ్యక్తం చేశారు.

వట్టె జానయ్య యాదవ్ ఒక వ్యక్తి మాత్రమే కాదు, ఒక శక్తి అని పేర్కొంటూ, దాడులు చేసి పార్టీని వెనక్కి నెట్టలేరని స్పష్టం చేశారు. ఎస్సీ, ఎస్టీ, బీసీ, మైనారిటీల హక్కుల కోసం తెలంగాణ రాజ్యాధికార పార్టీ స్థాపించబడిందని గుర్తుచేశారు. నాయకులు, కార్యకర్తలపై బెదిరింపులు కొనసాగితే సహించబోమని హెచ్చరించారు.లోయల పాఠశాల ముందు జరిగిన ఘటనకు బాధ్యులైన ఎస్‌ఐ ఏడుకొండలు, సీఐ రాజశేఖర్‌లపై తక్షణమే చర్యలు తీసుకుని సస్పెండ్ చేయాలని డిమాండ్ చేశారు.ఈ కార్యక్రమంలో జిల్లా ప్రధాన కార్యదర్శి మీర్ అక్బర్, మహిళా అధ్యక్షురాలు కొన్నెమంజుల గౌడ్, ప్రధాన కార్యదర్శి నారాయణదాసు కవిత, పట్టణ అధ్యక్షుడు కుంభం నాగరాజు, ప్రధాన కార్యదర్శి ఏశబోయిన మల్లేష్, పెన్పహాడ్ మండల అధ్యక్షుడు ఆవుల అంజయ్య, మాజీ మార్కెట్ చైర్మన్ మురళి మనోహర్, రంగన్న, వర్మ, గోపి, రంప శ్రీదేవి, తండు నాగలక్ష్మి, వాల్మీకి దీపమాల, కంటేకర్ రఘుమోహన్, నెలచర్ల మధు ప్రజాపతి, బోడపట్ల మధు, సురేష్, వంశీ తదితరులు పాల్గొన్నారు.