హౌసింగ్ బోర్డు 10వ వార్డ్ మునిసిపల్ కౌన్సిలర్ బింగి నరేష్ ఆధ్వర్యంలో అంతర్జాతీయ మహిళా దినోత్సవం ఘనంగా నిర్వహించారు.ఈ కార్యక్రమానికి ముఖ్య అతిథిగా విచ్చేసినటువంటి పిసిసి ప్రధాన కార్యదర్శి పోత్నాక్ ప్రమోద్ కుమార్ మాట్లాడుతూ,..."యత్ర నార్యస్తు పూజ్యంతే రమంతే తత్ర దేవతాః" అంటే ఎక్కడ మహిళలు గౌరవింపబడతారో, అక్కడ దేవతలు కొలువుంటారని అర్థం. ఈ ప్రాచీన భారతీయ సూక్తి స్త్రీ శక్తికి, ఆమెకు సమాజంలో ఇవ్వాల్సిన గౌరవానికి అద్దం పడుతుంది. మహిళలకు మర్యాద,గౌరవం ఇచ్చే కుటుంబం, సమాజం ఎల్లప్పుడూ ఆనందంగా,వృద్ధి చెందుతుందని దీని తాత్పర్యం. సనాతన ధర్మం లో స్త్రీలను ఆదిపరాశక్తి స్వరూపాలుగా భావిస్తారు,వారిని గౌరవించడం నిత్య పూజతో సమానం. సామాజిక ప్రాముఖ్యత మహిళలు గౌరవించబడని చోట ఎంత సత్కర్మ చేసినా ప్రయోజనం ఉండదని మన సంస్కృతి చెబుతోంది అన్నారు. మాతృమూర్తి గౌరవం అంటే స్త్రీలను పూజించడం అంటే వారి ఆత్మగౌరవాన్ని కాపాడటం మరియు వారిని సమఉజ్జీలుగా చూడటం. సమాజంలో మహిళలకు ఉన్నత స్థానం ఇచ్చి, వారిని గౌరవించడం ద్వారానే నిజమైన పురోగతి,సంక్షేమం సాధ్యమవుతాయి అని అన్నారు.ఈ సందర్భంగా వార్డు కౌన్సిలర్ బింగి నరేష్,వార్డు ముఖ్య మహిళా మణులు అందరూ కలిసి కేక్ కట్ చేసి ఒకరికొకరు శుభాకాంక్షలు తెలియజేసుకున్నారు.ఈ కార్యక్రమంలో కోర్ట్ రిటైర్డ్ సూపర్డెంట్ మాటూరి బాలేశ్వర్ మహిళలు తదితరులు పాల్గొన్నారు.