చిట్యాల స్థానికo ప్రతినిధి కొమిడాల మహేందర్ రెడ్డి

ట్రాఫిక్ ఒత్తిడి కారణంగా వాహనాలు నెమ్మదిగా కదులుతున్నాయి. కొన్ని ప్రాంతాల్లో గంటల తరబడి వాహనాలు నిలిచిపోయిన పరిస్థితి నెలకొంది.

పల్లె నుంచి పట్నం బాట… చిట్యాల వద్ద ట్రాఫిక్ తంటాలు

విజయవాడ–హైదరాబాద్ జాతీయ రహదారిపై వాహనాల రద్దీతో ప్రయాణికులు అవస్థలు పడుతున్నారు. పల్లెల నుంచి ఉపాధి, అవసరాల కోసం పట్టణాల బాట పట్టిన ప్రజలతో రహదారి నిండిపోయింది. నల్గొండ జిల్లా చిట్యాల వద్ద ట్రాఫిక్ జామ్ తీవ్రంగా మారింది.

వాహనాలు కిలోమీటర్ల మేర బారులు తీరడంతో ప్రయాణం నెమ్మదిగా సాగుతోంది. రద్దీని నియంత్రించేందుకు ట్రాఫిక్ పోలీసులు రంగంలోకి దిగారు. చిట్యాల నుంచి భువనగిరి మార్గం మీదుగా వాహనాలను మళ్లిస్తూ పరిస్థితిని అదుపులోకి తీసుకొచ్చే ప్రయత్నం చేస్తున్నారు.

అనూహ్యంగా పెరిగిన వాహనాల రాకతో ప్రయాణికులు ఓపిక పరీక్షకు గురవుతున్నారు. పరిస్థితి సాధారణ స్థితికి రావడానికి మరికొంత సమయం పట్టే అవకాశముందని అధికారులు చెబుతున్నారు.