తుంగతుర్తి మండలం గొట్టిపర్తి గ్రామంలో ఎస్సీ కమ్యూనిటీ హాల్‌ నిర్మించాలని బుధవారంఅరుంధతి యువజన సంఘం సభ్యులు హైదరాబాద్ క్యాంప్ కార్యాలయంలో ఎమ్మెల్యే మందుల సామేల్‌కు వినతిపత్రం అందజేశారు. గ్రామంలో సామాజిక కార్యక్రమాలకు అనువైన భవనం లేక ఇబ్బందులు ఎదురవుతున్నాయని తెలిపారు. స్పందించిన ఎమ్మెల్యే త్వరలోనే కమ్యూనిటీ హాల్‌ నిర్మాణానికి చర్యలు తీసుకుంటానని హామీ ఇచ్చారు. దీంతో అరుంధతి యువజన సంఘం సభ్యులు ఎమ్మెల్యేకు కృతజ్ఞతలు తెలిపారు. ఈ కార్యక్రమంలో అరుంధతి యువజన సంఘం నాయకులు చింతకుంట్ల విట్టల్, మందుల కృష్ణ, గా డిపే ల్లి శ్రీనివాస్, మాచర్ల మహేష్ చింతకుంట్ల ఎల్లేష్ ,చింతకుంట్ల గోపి, మాచర్ల నవీన్, మాచర్ల ఉపేందర్ ,తదితరులు పాల్గొన్నారు.