మహిళా విద్యకు ఆమె చేసిన సేవలు చిరస్మరణీయం

భువనగిరి స్థానికం ప్రతినిధి

భువనగిరి మండల పరిధిలోని తాజ్పూర్ గ్రామంలో సావిత్రిబాయి ఫూలే జయంతిని ఘనంగా నిర్వహించారు.ఈ సందర్భంగా గ్రామపంచాయతీ కార్యాలయంలో ఏర్పాటు చేసిన కార్యక్రమంలో గ్రామ సర్పంచ్ ర్యాకల సంతోష్ శ్రీనివాస్,కార్యదర్శి నరేంద్ర ఆధ్వర్యంలో సావిత్రిబాయి ఫూలే చిత్రపటానికి పూలమాలవేసి నివాళులు అర్పించారు.ఈ సందర్భంగా వారు మాట్లాడుతూ...భారతదేశ తొలి మహిళా ఉపాధ్యాయురాలిగా సావిత్రిబాయి ఫూలే ఆడపిల్లల విద్య కోసం,మహిళల స్వేచ్ఛా హక్కుల సాధన కోసం చేసిన పోరాటం దేశ చరిత్రలో సువర్ణ అక్షరాలతో లిఖించదగినదని పేర్కొన్నారు. విద్యే ఆయుధంగా సమాజంలో మార్పు తీసుకురావాలనే ఆమె ఆశయాలు నేటి తరానికి మార్గదర్శకంగా నిలుస్తున్నాయని తెలిపారు.సావిత్రిబాయి ఫూలే చూపిన మార్గంలో నడిచి, మహిళా విద్యాభివృద్ధికి ప్రతి ఒక్కరూ కృషి చేయాలని పిలుపునిచ్చారు. ఈ కార్యక్రమంలో గ్రామ పెద్దలు సామాజికవేత్త డాక్టర్ ర్యాలక శ్రీనివాస్,ఉప సర్పంచ్,వరిగంటి కృష్ణ,వార్డు సభ్యులు మహమ్మద్ మహమ్మద్ గాలిబ్బు యాకుబ్,పల్లెపాటి కృష్ణ,బొమ్మరపు రామకృష్ణ,బొమ్మరపు లక్ష్మీ బాలరాజు,బి.మహేష్,వరిగంటి మానస నాగరాజు,షేక్,అహ్మద్,అగ్రికల్చర్ విద్యార్థులు,గ్రామపంచాయతీ సిబ్బంది,గ్రామ ప్రజలు తదితరులు పాల్గొన్నారు.