శ్రీ సత్యసాయి జిల్లా సుద్దకుంటపల్లిలో ఉచిత మెగా వైద్య శిబిరం నిర్వహించనున్నారు. రేపు (ఆదివారం) జరగనున్న ఆంధ్రప్రదేశ్ రాష్ట్ర ముఖ్యమంత్రి నారా చంద్రబాబు నాయుడు గారి ముందస్తు జన్మదిన వేడుకల సందర్భంగా ఈ శిబిరంలో వివిధ వైద్య నిపుణులు పాల్గొని ప్రజలకు ఉచితంగా పరీక్షలు నిర్వహించి అవసరమైన వైద్య సూచనలు అందించనున్నారు.

గ్రామీణ ప్రాంతాల్లో వైద్య సేవలు అందరికీ సులభంగా అందాలనే ఉద్దేశంతో ఈ శిబిరాన్ని ఏర్పాటు చేస్తున్నట్లు నిర్వాహకులు తెలిపారు. చుట్టుపక్కల గ్రామాల ప్రజలు పెద్ద సంఖ్యలో పాల్గొని ఈ అవకాశాన్ని సద్వినియోగం చేసుకోవాలని రవి, నవీన్ కోరారు.

ఈ కార్యక్రమం ద్వారా ప్రజలకు ఆరోగ్యంపై అవగాహన పెంపొందించడమే కాకుండా, అవసరమైన వారికి తక్షణ చికిత్స అందించే అవకాశం కలుగుతుందని పేర్కొన్నారు.