సదాశివపేట మున్సిపాలిటీ పరిధిలోని 23వ వార్డులో సీసీ రోడ్డు నిర్మాణ పనులు, బోరు మోటార్లను మున్సిపల్ చైర్‌పర్సన్ మునిపల్లి అంజమ్మ సత్యనారాయణ, వైస్ చైర్మన్ రేణుక చిరు, వార్డు కౌన్సిలర్ లక్ష్మీప్రియ భరత్ ప్రారంభించారు. ఈ సందర్భంగా కౌన్సిలర్ లక్ష్మీప్రియ, వార్డు ఇన్‌చార్జి శరత్ చంద్ర మాట్లాడుతూ, గత 20 సంవత్సరాలుగా వార్డు ప్రజలు రోడ్ల సమస్యతో తీవ్ర ఇబ్బందులు ఎదుర్కొన్నారని, ఈ సీసీ రోడ్డు నిర్మాణంతో ఆ సమస్యకు శాశ్వత పరిష్కారం లభిస్తుందని తెలిపారు. అభివృద్ధి పనులు పూర్తికావడంతో ప్రజలు హర్షం వ్యక్తం చేస్తున్నారని అన్నారు. ఈ కార్యక్రమంలో మున్సిపల్ కమిషనర్ శివాజీ, కౌన్సిలర్లు శంకర్ గౌడ్, సజ్జి, కో-ఆప్షన్ సభ్యుడు మునిపల్లి సత్యనారాయణ, ఎగమామిడి అనంతమ్మ, కాంగ్రెస్ పట్టణ అధ్యక్షుడు నాగరాజు గౌడ్, నాయకులు వైద్యం పవన్, విష్ణువర్ధన్ రెడ్డి, మోహన్ రెడ్డి, గారెల తుల్జారాం, ఎరుకల సాయిలు, హైమద్, మహబూబ్, విజయ్ కుమార్, మతిన్, కాలనీవాసులు తదితరులు పాల్గొన్నారు.