హైదరాబాద్‌: శుభకార్యాల సందర్భంగా హిజ్రాల నుంచి వేధింపులు ఎదురైతే ప్రజలు వెంటనే 112కు ఫోన్‌ చేయాలని తెలంగాణ డీజీపీ సీవీ ఆనంద్‌ సూచించారు. ఓ గృహప్రవేశ కార్యక్రమంలో హిజ్రాల వేధింపులకు గురైన వ్యక్తిని పోలీసులు సకాలంలో వచ్చి రక్షించారంటూ ఓ నెటిజన్‌ చేసిన పోస్టుపై డీజీపీ స్పందించారు.

ఇలాంటి అత్యవసర పరిస్థితుల్లో 112కు సమాచారం అందిస్తే పోలీసులు తక్షణమే స్పందిస్తారని తెలిపారు. వేధింపులపై వెంటనే స్పందించి, నిబంధనల ప్రకారం కఠిన చర్యలు తీసుకోవాలని పోలీసు అధికారులను ఆదేశించినట్లు డీజీపీ వెల్లడించారు.