చౌటుప్పల్ మున్సిపల్ కార్యాలయంలో ప్రజానాయకుడు, ప్రజాకవి కాళోజీ నారాయణరావు జయంతి ఉత్సవాలను బుధవారం వైభవంగా నిర్వహించారు. మున్సిపల్ చైర్‌పర్సన్ మోగుదాల పావని రమేష్ గౌడ్ అధ్యక్షతన జరిగిన ఈ కార్యక్రమంలో కాళోజీ చిత్రపటానికి పూలమాలలు వేసి నివాళులర్పించారు. ఈ సందర్భంగా చైర్‌పర్సన్ మాట్లాడుతూ.. తెలంగాణ భాష, సంస్కృతి, ప్రజల హక్కుల కోసం తన కలంతో పోరాడిన మహానీయుడు కాళోజీ అని కొనియాడారు.ఈ కార్యక్రమంలో మున్సిపల్ కమిషనర్ ఎన్. వెంకటేశ్వర నాయక్, వార్డు కౌన్సిలర్లు కొసనం రాకేష్ రెడ్డి, చింతల ఉమామహేశ్వరి సాయిలు, బద్రి గాలయ్య, పాక చిరంజీవి, హన్ను మహమ్మద్, కో-ఆప్షన్ సభ్యులు బాబా షరీఫ్, పస్తం గంగారామ్, నాయకులు ఉడుగు రమేష్, మహమ్మద్ జానీ బాబా, బత్తుల దాసు, మున్సిపల్ మేనేజర్ శ్రీధర్ రెడ్డి, అకౌంటెంట్, వివిధ వార్డుల అధికారులు, వర్క్ ఇన్స్పెక్టర్లు, కార్యాలయ సిబ్బంది పాల్గొన్నారు.