హైదరాబాద్, జూలై 19: తెలంగాణ రాష్ట్ర ఆవిర్భావ దినోత్సవాలు, బోనాల పండుగ సందర్భంగా రవీంద్రభారతిలో జాతీయ బంగారు నంది అవార్డుల ప్రదానోత్సవం ఘనంగా నిర్వహించారు. వివిధ రంగాల్లో విశిష్ట సేవలు అందించిన ప్రముఖులను ఈ సందర్భంగా నేషనల్ బంగారు నంది అవార్డులతో సత్కరించారు.

సమాజ సేవ, సాంస్కృతిక రంగానికి చేసిన విశేష కృషికి గుర్తింపుగా డా. కాశీనాథేశ్వర రాజ్‌కుమార్ రెడ్డి ప్రతిష్టాత్మక జాతీయ బంగారు నంది పురస్కారాన్ని అందుకున్నారు. ఈ సందర్భంగా పలువురు ప్రముఖులు ఆయనను అభినందించారు.

ఈ కార్యక్రమాన్ని జి.సి.ఎస్. వల్లూరి ఫౌండేషన్ వ్యవస్థాపకులు, చైర్మన్ డా. వి.ఆర్. శ్రీనివాసరాజు ఆధ్వర్యంలో నిర్వహించారు. వేడుకకు వివిధ రంగాల ప్రముఖులు, సాంస్కృతిక రంగ ప్రతినిధులు, కళాకారులు, అభిమానులు పెద్ద సంఖ్యలో హాజరై కార్యక్రమాన్ని విజయవంతం చేశారు.