విఘ్నాలు తొలగి అందరికీ శుభాలు కలగాలి: కౌన్సిలర్ పాక చిరంజీవి

చౌటుప్పల్ మున్సిపాలిటీ పరిధిలోని 13వ వార్డు రాంనగర్‌లో ‘రాంనగర్ యూత్, వెల్ఫేర్ అసోసియేషన్’ ఆధ్వర్యంలో ఏర్పాటు చేసిన వినాయక మండపంలో సోమవారం ప్రత్యేక పూజా కార్యక్రమాలు భక్తిశ్రద్ధలతో నిర్వహించారు. ​ఈ కార్యక్రమానికి 12వ వార్డు కౌన్సిలర్ పాక చిరంజీవి ముఖ్యఅతిథిగా హాజరై గణనాథుడికి ప్రత్యేక పూజలు సమర్పించారు. అనంతరం ఆయన మాట్లాడుతూ.. ఆ విఘ్నేశ్వరుని కృపాకటాక్షాలతో ప్రజలందరూ సుఖసంతోషాలు, ఆయురారోగ్యాలతో వర్ధిల్లాలని, సర్వత్రా శుభాలు కలగాలని ఆకాంక్షించారు.​ఈ కార్యక్రమంలో గణేష్ ఉత్సవ కమిటీ సభ్యులు, కాలనీ మహిళలు, యువకులు, పెద్ద సంఖ్యలో భక్తులు పాల్గొని స్వామివారిని దర్శించుకున్నారు.