యాదగిరిగుట్టయాదగిరిగుట్ట మండలంలో నిర్వహిస్తున్న ప్రత్యేక ఎస్‌ఐఆర్ కార్యక్రమంలో భాగంగా ఓటర్ జాబితా మ్యాపింగ్ ప్రక్రియను జిల్లా కలెక్టర్ అనురాగ్ జయంతి బుధవారం పరిశీలించారు.

ఈ సందర్భంగా పోలింగ్ కేంద్రం నెం.145, ఇందిరా కాలనీ వద్ద ఓటర్ల వివరాలను పరిశీలిస్తూ మ్యాపింగ్ పనుల పురోగతిపై అధికారులను అడిగి తెలుసుకున్నారు. ఓటర్ల వివరాలు ఖచ్చితంగా నమోదు కావడానికి ప్రత్యేక శ్రద్ధ వహించాలని సూచించారు.

ఎలాంటి పొరపాట్లు లేకుండా ప్రత్యేక ఎస్‌ఐఆర్ ప్రక్రియను సక్రమంగా రూపొందించాలని, అర్హులైన ప్రతి ఒక్కరి పేరు ఓటర్ జాబితాలో ఉండేలా చర్యలు తీసుకోవాలని సంబంధిత అధికారులను ఆదేశించారు. మ్యాపింగ్ ప్రక్రియను త్వరితగతిన పూర్తి చేయాలని తెలిపారు.

ఈ కార్యక్రమంలో మండల తహసీల్దార్ గణేష్ నాయక్, సంబంధిత అధికారులు పాల్గొన్నారు.