నల్గొండ జిల్లా నార్కెట్‌పల్లి మండలంలో స్థానిక యువతకు ఉద్యోగాలలో ప్రాధాన్యత కల్పించాలనే డిమాండ్ ముందు కు వచ్చింది. ఈ నేపథ్యంలో భారతీయ జనతా పార్టీ యువ మోర్చా మండల ఉపాధ్యక్షుడు యాట చంద్రశేఖర్ ముదిరాజ్ ఆధ్వర్యంలో సోమవారం మండల తహసీల్దార్ కు వినతిపత్రం సమర్పించారు.

మండల పరిధిలో పనిచేస్తున్న ప్రైవేట్ కంపెనీల్లో కనీసం 70 శాతం ఉద్యోగాలను స్థానిక యువతకు కేటాయించాలని వినతిపత్రంలో పేర్కొన్నారు. అర్హతలు కలిగిన అభ్యర్థులకు కేవలం తక్కువ స్థాయి ఉద్యోగాలకే పరిమితం కాకుండా, ఉన్నత హోదాల్లోనూ అవకాశాలు కల్పించాలని డిమాండ్ చేశారు.

ఈ అంశంపై స్పందించిన MRO, సమస్యను జిల్లా కలెక్టర్ దృష్టికి తీసుకెళ్లి అవసరమైన చర్యలు చేపడతామని హామీ ఇచ్చారు.

ఈ కార్యక్రమంలో బెల్లి నరేష్, భరత్, సాయి కృష్ణ తదితరులు పాల్గొన్నారు.స్థానిక యువతకు ఉపాధి అవకాశాలు విస్తరించేందుకు ఈ చర్య కీలకంగా మారవచ్చని నిర్వాహకులు అభిప్రాయపడ్డారు.