రామన్నపేట మండలంలోని ఉత్తటూరు గ్రామానికి వెళ్లే రహదారులు పూర్తిగా గుంతలమయంగా మారడంతో గ్రామ ప్రజలు, విద్యార్థులు, రైతులు నిత్యం నరకయాతన అనుభవిస్తున్నారని బీఆర్‌ఎస్‌ యువనేత మేడి రాజు విమర్శించారు. చిట్యాల–ఉత్తటూరు–ఇస్కిళ్ల మార్గంతో పాటు జనంపల్లి–ఉత్తటూరు, ఉత్తటూరు–పిల్లిగూడం–కక్కిరేణి, ఉత్తటూరు–మాండ్ర రహదారులు అధ్వాన్నంగా మారాయని తెలిపారు.

కంకర రాళ్లు తేలిపోయి రహదారులు ప్రమాదకరంగా మారడంతో ప్రయాణికులు తీవ్ర ఇబ్బందులు పడుతున్నారని అన్నారు. ఉత్తటూరు నుంచి ఇస్కిళ్ల మీదుగా మునిపంపుల బ్యాంకుకు వెళ్లే ప్రజల పరిస్థితి మరింత దయనీయంగా ఉందన్నారు. సమస్యలు రోజురోజుకూ పెరుగుతున్నా అధికారులు, ప్రజాప్రతినిధులు పట్టించుకోవడం లేదని ఆగ్రహం వ్యక్తం చేశారు.

గతంలో చిట్యాల నుంచి వనిపాకల, ఉత్తటూరు, ఇస్కిళ్ల, కక్కిరేణి వరకు నడిచిన బస్సు సర్వీసును నిలిపివేయడంతో విద్యార్థులు, ఉద్యోగులు అదనపు ఇబ్బందులు ఎదుర్కొంటున్నారని పేర్కొన్నారు. వెంటనే రోడ్ల మరమ్మతులు చేపట్టి, బస్సు సర్వీసులను పునరుద్ధరించాలని ప్రభుత్వాన్ని డిమాండ్ చేశారు. గ్రామానికి నాలుగు వైపులా మెరుగైన రహదారి సౌకర్యాలు కల్పించాలని కోరారు.