నల్లగొండ మున్సిపల్ కార్పొరేషన్‌కు సంబంధించి నిర్వహించనున్న 2వ సాధారణ ఎన్నికల నామినేషన్ల పరిశీలన ప్రక్రియను అధికారులు పూర్తి చేశారు. మొత్తం 48 వార్డులకు గాను 581 నామినేషన్లు దాఖలవగా, స్క్రూటినీ అనంతరం 5 నామినేషన్లు తిరస్కరణకు గురయ్యాయి.

మిగిలిన 576 నామినేషన్లు చెల్లుబాటు అయ్యాయని ఎన్నికల అధికారులు స్పష్టం చేశారు. నామినేషన్ దాఖలు చేసిన అభ్యర్థుల సంఖ్యకు అనుగుణంగానే చెల్లుబాటు నామినేషన్లు ఉన్నట్లు వెల్లడించారు.

పార్టీల వారీగా పరిశీలిస్తే

కాంగ్రెస్ పార్టీ నుంచి 143,

బీఆర్ఎస్ నుంచి 134,

బీజేపీ నుంచి 122,

ఎంఐఎం నుంచి 17 నామినేషన్లు చెల్లుబాటు అయ్యాయి.

అదేవిధంగా బీఎస్పీ, సీపీఐ(ఎం) పార్టీల నుంచి చెరో 4 నామినేషన్లు ఉన్నాయి. ఇతర రాష్ట్రాల గుర్తింపు పొందిన/రిజిస్టర్డ్ పార్టీల నుంచి 55 నామినేషన్లు, స్వతంత్ర అభ్యర్థులుగా 97 మంది బరిలో ఉన్నట్లు అధికారులు తెలిపారు.

నామినేషన్ల పరిశీలన పూర్తికావడంతో నగరంలో ఎన్నికల వాతావరణం మరింత వేడెక్కింది. ప్రధాన పార్టీలన్నీ వార్డు స్థాయిలో వ్యూహాలకు పదును పెడుతున్నాయి.