విద్యార్థుల ర్యాలీతో ప్రజల్లో అవగాహన

నారాయణఖేడ్, స్థానిక ప్రతినిధి కృష్ణ:నారాయణఖేడ్ నియోజకవర్గంలో నారాయణఖేడ్ పట్టణం జాతీయ రహదారి భద్రతా ఉత్సవాలకు వేదికగా మారింది. రహదారి భద్రతపై ప్రజల్లో చైతన్యం పెంపొందించే లక్ష్యంతో నిర్వహించిన విద్యార్థుల ర్యాలీ పట్టణాన్ని ఉత్సాహభరితంగా మార్చింది.

ఎస్సై శ్రీశైలం నేతృత్వంలో సాగిన ఈ ర్యాలీ పట్టణ ప్రధాన వీధుల గుండా క్రమబద్ధంగా కొనసాగింది. విద్యార్థులు చేతబట్టి వచ్చిన బ్యానర్లు, పోస్టర్లు, నినాదాలు రహదారి భద్రత ప్రాముఖ్యతను ప్రజలకు బలంగా చాటి చెప్పాయి. అతివేగం ప్రమాదాలకు దారి తీస్తుందన్న సందేశంతో పాటు ట్రాఫిక్ నియమాల పాటింపు, సురక్షిత డ్రైవింగ్ అవసరాన్ని స్పష్టంగా వివరించారు.