ముస్లిం సోదరులకు రంజాన్ పండుగ సందర్భంగా ఎల్.బి.నగర్ ఎమ్మెల్యే దేవిరెడ్డి సుధీర్ రెడ్డి హృదయపూర్వక శుభాకాంక్షలు తెలిపారు. ఈ సందర్భంగా చింతలకుంటలోని తన పాత ముస్లిం మిత్రుల ఆహ్వానం మేరకు వారి నివాసానికి వెళ్లి పండుగ శుభాకాంక్షలు తెలియజేశారు.

ఈ సందర్భంగా ఎమ్మెల్యే మాట్లాడుతూ రంజాన్ మాసం ప్రారంభం నుంచి చివరి రోజు వరకు ముస్లింలు ప్రత్యేక ప్రార్థనలు, ఉపవాస దీక్షలు, భక్తి శ్రద్ధలతో పవిత్రంగా ఆచరిస్తారని అన్నారు. ఈ పవిత్ర మాసం పరస్పర శాంతి, సహనం, సౌభ్రాతృత్వం, ప్రేమాభిమానాలకు ప్రతీకగా నిలుస్తుందని పేర్కొన్నారు.

ఈ కార్యక్రమంలో ఖైసర్, నవీద్, మొబిన్, నజీర్, ఫయాజ్, అనాస్, అద్నాన్, సయ్యద్, సమీర్, షఫీ, సాయివర్మ, మాసాన్, మినాజ్ తదితరులు పాల్గొన్నారు.