నాగార్జున ప్రభుత్వ కళాశాలలో బీఎస్సీ తృతీయ సంవత్సరం పూర్తి చేసిన వెంపటి హిమవంత్ అస్సాంలోని ఎన్‌ఐటీ సిల్చార్‌లో ఎంఎస్సీ ఫిజిక్స్ కోర్సులో సీటు సాధించినట్లు కళాశాల ప్రిన్సిపాల్ డా. సముద్రాల ఉపేందర్ తెలిపారు. జాతీయ స్థాయి జామ్ (జాయింట్ అడ్మిషన్ టెస్ట్ ఫర్ మాస్టర్స్) పరీక్షలో ప్రతిభ కనబర్చి ఈ అవకాశం పొందాడన్నారు. హిమవంత్ విజయం ఇతర విద్యార్థులకు స్ఫూర్తిదాయకమని పేర్కొన్నారు. ఈ సందర్భంగా వైస్ ప్రిన్సిపాల్స్ డా. పరంగి రవికుమార్, ప్రొఫెసర్ అంతటి శ్రీనివాస్, భౌతికశాస్త్ర విభాగాధిపతి డా. ఎం. శ్రీనివాస్ రెడ్డి, అధ్యాపకులు ఎం. వెంకట్ రెడ్డి, డా. వి. వెంకటేశం తదితరులు హిమవంత్‌ను అభినందించారు