రామన్నా పేట మండలంలోని లక్ష్మాపురం గ్రామానికి చెందిన గుండాల దాసుకు ముఖ్యమంత్రి సహాయ నిధి (సీఎంఆర్ఎఫ్) ద్వారా మంజూరైన రూ.31 వేల చెక్కు ఆదివారం అందజేశారు. ఇటీవల అనారోగ్యంతో ఆసుపత్రిలో చికిత్స పొందిన దాసు, కోలుకుంటున్న సమయంలో సీఎంఆర్ఎఫ్‌కు దరఖాస్తు చేసుకున్నారు.

ఈ నేపథ్యంలో శాసనసభ్యులు వేముల వీరేశం సహకారంతో మంజూరైన చెక్కును గ్రామంలోని సీనియర్ కాంగ్రెస్ నాయకులు బత్తుల కృష్ణ గౌడ్, నవీన్ కుమార్ చేతుల మీదుగా బాధితుడికి అందించారు.

ఈ కార్యక్రమంలో సీనియర్ నాయకులు దశరథ, నీల నరసింహం, బత్తిని వెంకటేశం, పెద్దోళ్ల మల్లేశం, యాదయ్య, లచ్చయ్య, బత్తుల మల్లేష్, దాసరి మల్లేష్, నిరంజన్, అలాగే గ్రామ పెద్దలు రామకృష్ణ, నరేష్ పాల్గొన్నారు.

ఈ సహాయం అందడంతో గుండాల దాసు కుటుంబ సభ్యులు ఆనందం వ్యక్తం చేస్తూ, ఎమ్మెల్యేకు మరియు సహకరించిన నాయకులకు కృతజ్ఞతలు తెలిపారు.