కర్మన్‌ఘాట్, జూలై 20:

లింగోజిగూడ డివిజన్ కాంగ్రెస్ పార్టీ అధ్యక్షుడిగా కండికంటి శ్రీధర్ గౌడ్‌ను నియమిస్తూ తెలంగాణ ప్రదేశ్ కాంగ్రెస్ కమిటీ (టీపీసీసీ) అధ్యక్షుడు మహేష్ కుమార్ గౌడ్ ఉత్తర్వులు జారీ చేశారు. ఈ సందర్భంగా తనపై నమ్మకం ఉంచి బాధ్యతలు అప్పగించిన పీసీసీ అధ్యక్షుడు మహేష్ కుమార్ గౌడ్‌తో పాటు మధు యాష్కి గౌడ్, ధర్పల్లి రాజశేఖర్ రెడ్డికి శ్రీధర్ గౌడ్ కృతజ్ఞతలు తెలిపారు.

ఈ సందర్భంగా శ్రీధర్ గౌడ్ మాట్లాడుతూ.. పార్టీ బలోపేతానికి క్షేత్రస్థాయిలో కార్యకర్తలను సమన్వయం చేసుకుంటూ పనిచేస్తానని చెప్పారు. రాష్ట్ర ప్రభుత్వం అమలు చేస్తున్న సంక్షేమ, అభివృద్ధి కార్యక్రమాలను ప్రజల్లోకి విస్తృతంగా తీసుకెళ్తానని తెలిపారు. రానున్న ఎన్నికల్లో కాంగ్రెస్ పార్టీ అభ్యర్థుల విజయానికి నిరంతరం కృషి చేస్తానని స్పష్టం చేశారు.