మహిళ కడుపులో లాపరో స్కోపిక్ ద్వారా 08. కిలోల కణితి తొలగింపు.

జంగారెడ్డిగూడెం,

ఏలూరు జిల్లా జంగారెడ్డిగూడెంలోని సాయిస్ఫూర్తి మల్టీస్పెషల్టి ఆసుపత్రిలో అరుదైన శస్త్రచికిత్స విజయవంతమైంది. బుట్టాయిగూడెం మండలం పండుగూడెం గ్రామానికి చెందిన ఓ మహిళ కడుపు నొప్పితో బాధపడుతూ ఆసుపత్రిని ఆశ్రయించింది.

పరీక్షలు నిర్వహించిన డాక్టర్ సంకు మురళి కడుపులో భారీ ఒవేరియన్ సిస్టు (కణితి) ఉన్నట్లు గుర్తించారు. గురువారం లాపరోస్కోపిక్ విధానంలో శస్త్రచికిత్స నిర్వహించి సుమారు 8 కిలోల బరువున్న కణితిని విజయవంతంగా తొలగించారు.

ఇంత భారీ కణితిని లాపరోస్కోపిక్ పద్ధతిలో తొలగించడం అరుదైన ఘటనగా వైద్యులు తెలిపారు. శస్త్రచికిత్స అనంతరం మహిళ ఆరోగ్యం నిలకడగా ఉందని ఆసుపత్రి వర్గాలు వెల్లడించాయి.