​కెప్టెన్సీలో మెరిసిన పాక వర్షిత్ యాదవ్

అండర్-17 కేటగిరీలో కైవసమైన మొదటి బహుమతి

​వై ఎమ్ సీఏ సెంట్రల్ మైదానంలో ఉత్సాహపూరిత వాతావరణంలో జరిగిన ‘కార్గిల్ వార్’ అండర్-17 కేటగిరీ కబడ్డీ టోర్నమెంట్‌లో పాక వర్షిత్ యాదవ్ నాయకత్వంలోని జట్టు విజేతగా నిలిచింది. టోర్నీ అంతటా అద్భుత ప్రదర్శన కనబరిచిన వర్షిత్ సేన, ఫైనల్ మ్యాచ్‌లో సైతం ప్రత్యర్థి జట్టుపై పైచేయి సాధించి ప్రథమ బహుమతిని ముద్దాడింది. ​కెప్టెన్‌గా వర్షిత్ యాదవ్ అందించిన నాయకత్వంతో పాటు, రైడింగ్, టాకిల్స్‌లో జట్టు చూపిన ప్రతిభ విజయంలో కీలక పాత్ర పోషించింది. విజయ కేతనం ఎగరవేసిన వర్షిత్ యాదవ్‌ను, జట్టు సభ్యులను నిర్వాహకులు ప్రత్యేకంగా సత్కరించి ట్రోఫీని అందజేశారు. వర్షిత్ సాధించిన ఈ విజయం పట్ల కుటుంబ సభ్యులు, మిత్రులు హర్షం వ్యక్తం చేస్తున్నారు.