హయత్‌నగర్ పరిధిలోని ఆర్టీసీ సూపర్వైజర్స్ కాలనీలో శ్రీ శ్రీ శ్రీ ఉత్తర బ్రహ్మ అభయాంజనేయ స్వామి విగ్రహ వాహన ధ్వజస్తంభ ప్రతిష్ఠ మహా కుంభాభిషేక మహోత్సవాలు భక్తిశ్రద్ధలతో నిర్వహించనున్నారు. మే 4, 5, 6 తేదీలలో మూడు రోజుల పాటు జరిగే ఈ మహోత్సవాలకు భక్తులు పెద్ద సంఖ్యలో హాజరుకానున్నారు.

ఈ కార్యక్రమానికి అధ్యక్షులుగా బేతన బొట్ల కృష్ణ శర్మ వ్యవహరిస్తుండగా, తుర్కపల్లి సూర్య ప్రకాశ చారి కార్యదర్శిగా బాధ్యతలు నిర్వర్తిస్తున్నారు. ఉపాధ్యక్షురాలిగా నూకల శాంత కుమారి, సహాయ కార్యదర్శిగా తుర్కపల్లి సదానంద చారి సేవలు అందిస్తున్నారు. కోశాధికారిగా జాటోత్ విజయ, కార్యవర్గ సభ్యులుగా తుర్కపల్లి మాధవి, అనిత కుమారి వ్యవహరిస్తున్నారు. కాలనీ అధ్యక్షులుగా శంభాల వెంకటేష్ ఈ మహోత్సవాల నిర్వహణలో కీలక పాత్ర పోషిస్తున్నారు.

మహోత్సవాల సందర్భంగా వేద పండితుల మంత్రోచ్చారణల మధ్య విగ్రహ ప్రతిష్ఠ, ధ్వజస్తంభ స్థాపన, మహా కుంభాభిషేకం, ప్రత్యేక పూజా కార్యక్రమాలు నిర్వహించనున్నారు. భక్తులకు అన్నదాన కార్యక్రమాలు కూడా ఏర్పాటు చేసినట్లు నిర్వాహకులు తెలిపారు.

ఈ సందర్భంగా నిర్వాహకులు మాట్లాడుతూ, భక్తులు అధిక సంఖ్యలో పాల్గొని స్వామివారి ఆశీస్సులు పొందాలని కోరారు. ఈ మహోత్సవాలు ఆధ్యాత్మిక వాతావరణంలో భక్తుల హృదయాలను ఆనందింపజేస్తాయని తెలిపారు.