సీఎంకు విద్యార్థుల లేఖలు

మెస్‌, కాస్మోటిక్ ఛార్జీలు రూ.3వేలకు పెంచాలని డిమాండ్

పట్టణం, శుక్రవారం: సాంఘిక సంక్షేమ హాస్టళ్లలో నెలకొన్న సమస్యలను వెంటనే పరిష్కరించాలని కోరుతూ Students' Federation of India పోస్ట్‌కార్డు ఉద్యమానికి శ్రీకారం చుట్టింది. శుక్రవారం ఎస్‌ఎఫ్‌ఐ పట్టణ కమిటీ ఆధ్వర్యంలో విద్యార్థులతో రాష్ట్ర ముఖ్యమంత్రికి పోస్ట్‌కార్డులు రాయించారు.

ఈ సందర్భంగా ఎస్‌ఎఫ్‌ఐ పట్టణ అధ్యక్షుడు సంజయ్, కార్యదర్శి శశిధర్ మాట్లాడుతూ పెరిగిన ధరలకు అనుగుణంగా సంక్షేమ హాస్టళ్లలో మెస్‌, కాస్మోటిక్ ఛార్జీలను రూ.3వేలకు పెంచాలని డిమాండ్ చేశారు. విద్యార్థులు ఇబ్బందులు పడకుండా తగిన నిధులు కేటాయించాలని ప్రభుత్వాన్ని కోరారు.

హాస్టళ్లలో ఖాళీగా ఉన్న వార్డెన్‌, కుక్‌, వాచ్‌మెన్ పోస్టులను వెంటనే భర్తీ చేయాలని పేర్కొన్నారు. అద్దె భవనాల్లో నడుస్తున్న హాస్టళ్లకు సొంత భవనాలు నిర్మించాలని డిమాండ్ చేశారు.

ప్రతి సంవత్సరం సంక్షేమ హాస్టళ్ల అభివృద్ధికి ప్రత్యేక నిధులు కేటాయించి భవనాల మరమ్మతులు చేపట్టి, విద్యార్థులకు అవసరమైన మౌలిక వసతులు కల్పించాలని కోరారు. కార్యక్రమంలో పలువురు విద్యార్థులు పాల్గొన్నారు.