భువనగిరి టౌన్:తెలంగాణ జర్నలిస్టు అసోసియేషన్ యాదాద్రి భువనగిరి జిల్లా ఆధ్వర్యంలో నూతనంగా బాధ్యతలు స్వీకరించిన జిల్లా కలెక్టర్ అనురాగ్ జయంతిని మర్యాదపూర్వకంగా కలుసుకుని ఘనంగా సత్కరించారు. జిల్లా అధ్యక్షులు మొహమ్మద్ షానూర్ బాబా ఆధ్వర్యంలో పూల మొక్కను అందజేసి శుభాకాంక్షలు తెలిపారు.ఈ సందర్భంగా కలెక్టర్ అనురాగ్ జయంతి జిల్లా అభివృద్ధికి పాత్రికేయుల సహకారం అవసరమని పేర్కొనగా,జర్నలిస్టులు కూడా ప్రజా సమస్యల పరిష్కారానికి పరస్పర సహకారంతో పనిచేస్తామని తెలిపారు.ఈ కార్యక్రమంలో జిల్లా ప్రధాన కార్యదర్శి గోపరాజు వెంకన్న,జిల్లా కార్యదర్శి గుర్రం మల్లేష్,జిల్లా ఉపాధ్యక్షులు గట్టికొప్పుల శ్రీనివాస్,కార్యవర్గ సభ్యులు అవిశెట్టి మధు తదితరులు పాల్గొన్నారు.