నారాయణఖేడ్ స్థానికం ప్రతినిధి కృష్ణ:సంగారెడ్డి జిల్లా కేంద్రంలో ప్రముఖ సామాజిక సేవకుడు, భారత జాతీయ మానవ హక్కుల పరిరక్షణ మండలి జిల్లా అధ్యక్షుడు డాక్టర్ డి. ఓం ప్రకాష్ ఆధ్వర్యంలో దేశ జాతీయ భద్రతా సలహాదారు అజిత్ దోవల్ 81వ జన్మదిన వేడుకలను ఘనంగా నిర్వహించారు.ఈ సందర్భంగా డాక్టర్ ఓం ప్రకాష్ మాట్లాడుతూ, అజిత్ దోవల్ దేశ భద్రత కోసం చేసిన సేవలు అపూర్వమైనవని అన్నారు. దేశ అంతర్గత భద్రతను బలోపేతం చేయడంలో, ఉగ్రవాదాన్ని అరికట్టడంలో ఆయన పాత్ర చరిత్రలో నిలిచిపోతుందన్నారు. దేశ ప్రయోజనాల కోసం నిరంతరం శ్రమిస్తూ, యువతకు స్ఫూర్తిగా నిలుస్తున్న వ్యక్తి అజిత్ దోవల్ అని కొనియాడారు.ఈ కార్యక్రమంలో గొందే గావ్ మాజీ సర్పంచ్ శాంతయ్య స్వామి, సంతోష్, రాజు గౌడ్, బోయిని శ్రీనివాస్, అశోక్ రెడ్డి, విటల్, మహేష్, రవి యాదవ్, దిలీప్, శ్రీనివాస్, పండరి రెడ్డి, వివేకానంద స్వామి తదితరులు పాల్గొని జన్మదిన శుభాకాంక్షలు తెలిపారు. కార్యక్రమం ఉత్సాహభరిత వాతావరణంలో విజయవంతంగా ముగిసింది.