నకిరేకల్ నియోజకవర్గంలోని చిట్యాల మున్సిపాలిటీకి సంబంధించి కాంగ్రెస్ పార్టీ వార్డు అభ్యర్థుల జాబితాను జిల్లా కాంగ్రెస్ కమిటీ (DCC) అధ్యక్షుడు పున్న కైలాష్ నేత అధికారికంగా ప్రకటించారు. ఈ కార్యక్రమంలో నకిరేకల్ ఎమ్మెల్యే శ్రీ వేముల వీరేశం ముఖ్య అతిథిగా పాల్గొన్నారు.చిట్యాలమున్సిపాలిటీలో మొత్తం 12 వార్డులు ఉండగా, వాటిలో మొదటి వార్డును CPM పార్టీకి కేటాయించినట్లు కాంగ్రెస్ నాయకత్వం వెల్లడించింది. మిగిలిన వార్డులపై కాంగ్రెస్ పార్టీ బలమైన అభ్యర్థులను నిలబెట్టినట్లు తెలిపారు.

ఈ సందర్భంగా పున్న కైలాష్ నేత మాట్లాడుతూ, చిట్యాల మున్సిపాలిటీలో కాంగ్రెస్ పార్టీ విజయమే లక్ష్యంగా సమన్వయంతో పనిచేస్తామని పేర్కొన్నారు. ప్రజల సమస్యలను ఎప్పటికప్పుడు పట్టించుకునే నాయకత్వాన్ని అందించడమే కాంగ్రెస్ పార్టీ లక్ష్యమని అన్నారు.

నకిరేకల్ ఎమ్మెల్యే వేముల వీరేశం మాట్లాడుతూ, కాంగ్రెస్ పార్టీకి ప్రజల్లో ఉన్న ఆదరణను రాబోయే మున్సిపల్ ఎన్నికల్లో ఫలితాలు స్పష్టంగా చూపుతాయని ధీమా వ్యక్తం చేశారు. పార్టీ శ్రేణులు ఐక్యంగా పనిచేసి విజయాన్ని సాధించాలని పిలుపునిచ్చారు.

ఈ కార్యక్రమంలో కాంగ్రెస్ పార్టీ నాయకులు, కార్యకర్తలు, స్థానిక ప్రజాప్రతినిధులు పెద్ద సంఖ్యలో పాల్గొన్నారు.