రామన్నపేట మండలంలోని ఇంద్రపాలనగరం గ్రామంలో అంగన్వాడీ కేంద్రంలో మంగళవారం నిర్వహించిన “పోషణ పక్వాడా” కార్యక్రమం, గ్రాడ్యుయేషన్ డే వేడుకలు సర్పంచ్ గర్ధాస్ విక్రమ్ ఆధ్వర్యంలో నిర్వహించారు. ఈ సందర్భంగా 5 సంవత్సరాలు పూర్తిచేసుకున్న చిన్నారులకు ప్రీ-స్కూల్ సర్టిఫికెట్లను సర్పంచ్ విక్రమ్ అందజేశారు.

ఈ సందర్భంగా ఆయన మాట్లాడుతూ చిన్నారుల మెరుగైన భవిష్యత్తు కోసం ప్రభుత్వ పాఠశాలల్లోనే చేర్పించాలని తల్లిదండ్రులకు సూచించారు. సూపర్వైజర్ హేమలత గర్భిణీలు, బాలింతలు సమతుల్య పోషకాహారం తీసుకోవాలని అవగాహన కల్పించారు.

ఈ కార్యక్రమంలో ఉపసర్పంచ్ నల్ల జయసుధ స్వామి, మల్లేశం, అంగన్వాడీ టీచర్లు బి.సుజాత, ఎం.రేణుక, కె.మంజుల, టి.సావిత్రి, ఆయాలు, చిన్నారుల తల్లులు పాల్గొన్నారు.