చిట్యాల స్థానికం ప్రతినిధి రిపోర్టర్ ప్రశాంత్

చిట్యాల మండలం చిన్నకాపర్తి గ్రామంలో జ్వాలా యూత్ నూతన కమిటీ ఎన్నికలు శనివారం ఉత్సాహంగా జరిగాయి. గ్రామ యువత భారీగా హాజరైన సమావేశంలో సంఘ భవిష్యత్ దిశను నిర్దేశించేలా నూతన కార్యవర్గాన్ని ఏకగ్రీవంగా ఎన్నుకున్నారు.ఈ సందర్భంగా అధ్యక్షుడిగా దేశపాక శ్రవణ్ కుమార్ ను ఎన్నుకుంటూ సభ్యులు విశ్వాసం ప్రకటించారు. ఆయనతో పాటు ఉపాధ్యక్షుడిగా కట్టెల నవీన్, కార్యదర్శిగా పొలిమేర పరమేష్, సంయుక్త కార్యదర్శిగా రమేష్, కోశాధికారిగా దేశపాక జీవన్ కుమార్ బాధ్యతలు చేపట్టారు. యువతలో క్రీడాస్ఫూర్తిని పెంపొందించేందుకు క్రీడా కార్యదర్శులుగా సాయిరాం, విగ్నేష్, సంఘ కార్యకలాపాలను విస్తృతంగా ప్రజల్లోకి తీసుకెళ్లేందుకు ప్రచార కార్యదర్శిగా పేర్క బాలాజీ నియమితులయ్యారు.అనుభవం, మార్గనిర్దేశంతో సంఘానికి బలం చేకూర్చేలా గౌరవ సలహాదారులుగా పేర్క పెద్ద సైదులు, వలిగొండ సత్యనారాయణ, పెర్క చిన్న సైదులు, వలిగొండ సురేష్, గంధం రాజకుమార్, గంధం సతీష్ కుమార్, గంధం రవి, పేర్క రాజు లు కొనసాగనున్నారు.ఈ నూతన కమిటీ రెండేళ్ల పాటు కొనసాగుతుందని తీర్మానిస్తూ, గ్రామ అభివృద్ధి, యువత ఐక్యత, సామాజిక సేవా కార్యక్రమాల్లో జ్వాలా యూత్ మరింత చురుకైన పాత్ర పోషిస్తుందని సభ్యులు ధీమా వ్యక్తం చేశారు.