టీజిఐఐసి ఆధ్వర్యంలో మూడు రోజుల పాటు నిర్వహించిన ఉద్యోగుల స్పోర్ట్స్ మీట్ శుక్రవారం గచ్చిబౌలిలోని ఐఎస్‌బీ ఖేంకా ఆడిటోరియంలో సాంస్కృతిక కార్యక్రమాలతో ఘనంగా ముగిసింది. ఈ సందర్భంగా ఉద్యోగులు పాటలు, నృత్య ప్రదర్శనలతో ఉత్సాహంగా పాల్గొని సందడి చేశారు. అనంతరం రెండు రోజుల పాటు నిర్వహించిన వివిధ క్రీడా పోటీల్లో విజేతలుగా నిలిచిన ఉద్యోగులకు టీజిఐఐసి చైర్‌పర్సన్ నిర్మలా జగ్గారెడ్డి, ఎండీ శశాంక బహుమతులు అందజేసి అభినందించారు. ఉద్యోగులు విధి నిర్వహణతో పాటు తమ అభిరుచులు, హాబీలకు సమయం కేటాయించాలని, క్రీడలు మరియు సాంస్కృతిక కార్యక్రమాలు మానసిక ఉల్లాసాన్ని పెంచి జట్టు భావనను బలోపేతం చేస్తాయని వారు పేర్కొన్నారు. ఈ కార్యక్రమంలో టీజిఐఐసి ఈడీలు పవన్, వీరారెడ్డి, ఇతర ఉన్నతాధికారులు, ఉద్యోగులు, సిబ్బంది పాల్గొన్నారు.