స్థానికం ప్రతినిధి కొమిడాల మహేందర్ రెడ్డి

నల్గొండ జిల్లా నార్కట్పల్లి మండలంలోని చెరువుగట్టులో నిర్వహిస్తున్న బ్రహ్మోత్సవాల్లో భాగంగా అగ్నిగుండాల కార్యక్రమం భక్తుల మధ్య ఘనంగా జరిగింది. ఈ కార్యక్రమానికి పరిసర గ్రామాల నుంచి పెద్ద ఎత్తున భక్తులు తరలివచ్చారు.

భక్తిశ్రద్ధలతో ప్రత్యేక పూజలు నిర్వహించిన అనంతరం అగ్నిగుండాల కార్యక్రమాన్ని ప్రారంభించారు. భక్తులు తమ మొక్కులను తీర్చుకునేందుకు అగ్నిగుండాలలో నడిచి భక్తిభావాన్ని చాటుకున్నారు. ఈ సందర్భంగా ఆలయ ప్రాంగణం భక్తుల నినాదాలతో మార్మోగింది.

బ్రహ్మోత్సవాల సందర్భంగా ఆలయాన్ని విద్యుత్ దీపాలతో అలంకరించగా, సాంస్కృతిక కార్యక్రమాలు ప్రత్యేక ఆకర్షణగా నిలిచాయి. ఎలాంటి అవాంఛనీయ ఘటనలు జరగకుండా పోలీసులు, ఆలయ కమిటీ సభ్యులు తగిన భద్రతా ఏర్పాట్లు చేపట్టారు.

ఈ కార్యక్రమంలో ఆలయ కమిటీ సభ్యులు, గ్రామ పెద్దలు, ప్రజాప్రతినిధులు పాల్గొని భక్తులకు అవసరమైన సౌకర్యాలను పర్యవేక్షించారు. అగ్నిగుండాల కార్యక్రమం ప్రశాంత వాతావరణంలో విజయవంతంగా ముగిసింది.