నార్కట్ పల్లి స్థానికం ప్రతినిధి కొమిడాల మహేందర్ రెడ్డి

జిల్లా కలెక్టర్ ను ఆహ్వానించిన ఆలయ అధికారులు

జనవరి 23 నుండి 30 తేదీలలో జరగబోయే చెరువుగట్టు శ్రీ పార్వతి జడల రామలింగేశ్వర స్వామి వారి వార్షిక బ్రహ్మోత్సవాల గోడపత్రికను నకిరేకల్ శాసనసభ్యులు వేముల వీరేశం, సోమవారం రోజున ఆవిష్కరించారు. ఈ సందర్భంగా ఎమ్మెల్యే వీరేశం స్వామివారి వార్షిక బ్రహ్మోత్సవములకు భక్తులు అధిక సంఖ్యలో తరలివచ్చి స్వామివారి తీర్ధప్రసాదాలు స్వీకరించి స్వామివారి కృపకు పాత్రులు కావాలని కోరారు. బ్రహ్మోత్సవాలకు వచ్చిన భక్తులకు ఎటువంటి అసౌకర్యం కలుగకుండా తగు ఏర్పాట్లు చేయవలసిందిగా ఆలయ కార్యనిర్వహణాధికారి ఆదేశించారు. అనంతరం ఆలయ పాలకవర్గం కార్యనిర్వహణ అధికారి కలిసి బ్రహ్మోత్సవాల ఆహ్వాన పత్రికను నల్గొండ జిల్లా కలెక్టర్ బడుగు చంద్రశేఖర్ కు అందజేశారు. ఈ సందర్భంగా నల్గొండ జిల్లా కలెక్టర్ బ్రహ్మోత్సవములకు సంబందించిన ఏర్పాట్ల వివరములు తెలసుకున్నారు. స్వామివారి వార్షిక బ్రహ్మోత్సవములకు భక్తులు అధిక సంఖ్యలో పాల్గొంటారని వారికి ఎటువంటి అసౌకర్యాలు జరగకుండా అన్ని శాఖల సహకారంతో తగు ఏర్పాట్లు చేయాలని కార్యనిర్వహణాధికారి ఆదేశించారు బ్రహ్మోత్సవాలలో ఎటువంటి సమస్యలు ఏర్పడిన తక్షణమే పరిష్కరించే విధంగా అధికారులు అప్రమత్తంగా ఉండాలని అన్నారు ఈ కార్యక్రమంలో దేవాలయ కార్యనిర్వహణాధికారి సల్వాది మోహన్బాబు, దేవాలయ ప్రధానార్చకులు పోతులపాటి రామలింగేశ్వరశర్మ, దేవాలయ సిబ్బంది పాల్గొన్నారు.